నాలోపల ఒక సర్పం
వెన్నులోంచి పాకుతోంది
పాతాళం ఆకాశం
నిచ్చెనగా మారాలని
గడి గడినీ దాటుకుంటు
సుడుల ముడులు విప్పుకుంటు
వడివడిగా సాగుతోంది
సాగినకొద్దీ దూరం
రెట్టింపై పెరుగుతోంది
డస్సిపోయి వ్రస్సిపోయి
బుస్సుబుస్సు మంటోంది
అమృతానికి అర్రు సాచి
విషం కక్కుకుంటోంది
వేణునాద స్వరమేదో
వినిపించిందేమో మరి!
అంతలోనె పడగవిప్పి
పరవశించి ఆడుతోంది
పడుతూ లేస్తూ ఇంకా
ఎంతసేపు ఈ ఆట?
అంతదాక నిలిచేనా
గొంతులోన ఈ పాట?!
27 ఏప్రి, 2011
దీనికి సబ్స్క్రయిబ్ చేయి:
పోస్ట్లు (Atom)